Stuorradiggi lea mearridan ásahit duohtavuođakommišuvnna mii galgá iskat dáruiduhttinpolitihka ja vearrivuođa mii sápmelaččaid ja kvenaid vuostá lea dahkkojuvvon Norggas. Dál beasat don buktit oainnuid duohtavuođakommišuvnna mandáhtii. Sámediggi bovde rabas čoahkkimiidda vuođđudan dihte duohtavuođakommišuvnna sámi servodahkii.
Sametingsråd Henrik Olsen (FOTO: Samediggi)
Sámediggi bovde rabas čoahkkimiidda duohtavuođakommišuvnna mandáhta birra
– Sámediggi lea ožžon bargun buktit cealkámuša Stuorradiggái duohtavuođakommišuvnna mandáhta birra. Min mielas lea hui deaŧalaš ahte sámi álbmot beassá leat mielde váikkuheamen dán cealkámuša. Mun doaivvun ahte ollugat atnet dan deaŧalažžan ja bohtet čoahkkimiidda min deaivat ja digaštallat mainna duohtavuođakommišuvdna galggašii bargat, dadjá sámediggeráđi Henrik Olsen.
Čoahkkimat lágiduvvojit oktii ráđiid sámi ásahusaiguin mat leat dain báikkiin gos čoahkkimat dollojuvvojit.
Lea maid vejolaš sáddet čálalaš cealkámuša mandáhtii reivve bokte Sámediggái, Ávjovárgeaidnu 50. 9730 Kárášjohka dahje e-poastta bokte: [email protected]
Jearahallama vástida: sámediggeráđi Henrik Olsen, tlf. 90775219
Čoahkkinplána:
| Goas: | Áigi: | Gos: |
| Vuossárgga guovvamánu 12. b. | 18.00-20.00 | Ä´vv Saa´mi mu´zei , Njávdán |
| Maŋŋebárgga guovvamánu 13. b. | 18.00-20.00 | Várjjat Sámi Musea, Vuonnabahta |
| Duorastaga guovvamánu 15. b. | 18.00-20.00 | Álttá Sámi Giellaguovddáš, Áltá |
| Gaskavahku guovvamánu 21. b. | 19.00-21.00 | Gjenreisningsmuseet, Hámmárfeasta |
| Duorastaga guovvamánu 22. b. | 18.00-20.00 | Davvi Álbmogiid Guovddáš, Gáivuotna |
|
Duorastaga njukčamánu 1. b. |
19.00-21.00 |
Samisk hus, Oslo |
| Vuossárgga njukčamánu 5. b. | 18.00-20.00 | Sámiid Vuorká-Dávvirat, Kárášjohka |
| Vuossárgga njukčamánu 12. b. | 18.00-20.00 | Gielddastivrralatnja, Romsa |
| Maŋŋebárgga cuoŋománu 3. b. | 18.00-20.00 | LES-viessu, Guovdageaidnu |
| Vuossárgga cuoŋománu 9. b. | 18.00-20.00 | Fjellkysten Gjestehus, Loabát |
| Maŋŋebárgga cuoŋománu 10. b. | 18.00-20.00 | Várdobáiki, Evenášši |
| Gaskavahku cuoŋománu 11. b. | 18.00-20.00 | Árran, Divttasvuotna |
| Duorastaga cuoŋománu 12. b. | 18.00-20.00 | Stormen bibliotek, Bådåddjo |
| Vuossárgga cuoŋománu 16. b. | 16.00-18.00 | Samien Sijte, Snåase |
| Maŋŋebárgga cuoŋománu 17. b. | 18.00-20.00 | Aajege saemien gïele- & maahtoejarnge, Plassje |
